السيد احمد عبد الجواد *( سي السيد )*

_________________

ابدا برايي

السيد احمد عبد الجواد راجل مصري جد شهم
بيخاف على بيته
وعلى اولاده ومراته
الحاجه اللي ممكن ناخدها عليه انه كان بيلعب بديله بره البيت شويه وربنا عاقبه ان ابن ليه طلع كده
بس لو فكرنا ان ده راجل كان بيحافظ على مراته وبناته من عيون الناس
علشان كده الناس كانوا بيحترموهم
واولاده كان مربيهم على احترامهم لنفسهم قبل الغير برده طلعوا محترمين
انا رايي انه كان صح
وشايف اننا حاليا محتاجينه
وبرده محتاجين ام زي امينه كل همها اولادها وبيتها
مستني تليفوناتكم وردودكم

هو ياض فى الزمن دا مينفعش غير سى السيد

لان اى حد غير سى السيد مش هيمشى مع الدنيا دى

بس للاسف

مبقاش فى سى السيد

كلهم بقى الواد سيد



تسلم

لا طبعا سي السيد ايه بس

مينفعش خالص ومش مطلوب ابدا

مينفعش يبقى الطريقة الى بيتعامل بيها الزوج وزوجتا عبارة عن خوف مش احترام

لازم يكون في تفاهم وحب وسماع لراي الطرف الاخر

مش الراجل هو الى فى ايدة كل الصلحيات والست رجل كرسي فى البيت

مينفعش طبعا دة يحصل

الستات دلوقتي بقى ليها كلمه

خلاص راحت على الرجالة بقى الله يرحمهم

وهو يعني لازم اكون بخاف منك علشان البس الي انت عايزه وبعدين ماشي هنقول ان الحكايه حكايه لبس انا واحده منتقبه قولي بقه بتعاكس ليه وبعدين هو انا بخرج من بيت اهلي بحلم بيحاه كلها هدوء وسعاده وحب الاقي واحد كل الي يهمه يشخط وينطر ويدي في اوامر وبس بد ميكون في بينا تفاهم وحب واحترام وبعدين بالعكس انا مثلا عن نفسي يوم لما ارتبط بانسان لازم يكون انسان متفاهم ويكون بيقدرني واكيد انا لما هلاقي كده هعمل اي حاجه في الدنيا علشان اسعده وارضيه هو وبس وحتي لو كان علي حساب نفسي

بصو هيا الحكايه مش حكايه لبس

ما ياما فى ناس محجبين ومش بيلبسو ديق بس ناس زباله اسود من اللى بيلبسو ديق

بس ما علينا مش دا موضوعنا

انا كان ردى بناء على ان فى بنات لو الواحد مش اتعامل معاها بسى السيد دى

بيسوقو فيها بقى ويفكرو نفسهم هما سى السيد

لكن فى بنات تانيه عاقله وبتتفاهم وتتعامل من غير سى السيد

وطبعا مش كل صوابعك زى بعضيها

الحكايه دى بتختلف من شخص لاخر

اقتباس :

لكن فى بنات تانيه عاقله وبتتفاهم وتتعامل من غير سى السيد

معلش ده كان زمااااااااااان
مبيتهيقليش في بنت عاقله دلوقتي
والله مقصدش الاهانه لحد بس بجد حال البنات دلوقتي هو اللي بيقول كده تصرفاتهم حياتهم مش لبسهم بس
هو حلال ان بنت تقعد تهزر وتضحك سواء مع ولد او بنت بصوت عالي

كلهم لسعوا يا جماعه

ماشي انا هتكلم عن نفسي انا مثلا انا بحب الهزار والضحك جدااااا وبحب البضيهات و البس الكاجول والميكب بس مع كل ده انا لبست النقاب مع ان اهلي كانوا رافضين جدا واصحابي مكنوش مصدقين علشان عارفين قد ايه انا بحب البس والكلام ده بس في نفس الوقت بلبس وبحط ميكب وبهزر وبضحك وبخرج وبعمل كل الي في نفسي بس في البيت ولما بكون خارجه بردوا شكلي شيك وبهتم بنفسي وممكن اهزر بس اكيد بره البيت بيبقي بحدود جدا فالحكايه مش حكايه سي السيد ان مكنتش انا من نفسي عايزه اكون كويسه يبقي خربت وفي الاول وفي الاخر دا لنفسي واي واحده في اديها تكبر الكل يحترمها او يستحقرها مش بالتحكملات ومش بسي السيد

طيب انتي بنت وعايشه مع بنات وعارفه بيفكروا ازاي اكيد يعني


بالله عليكي في نسبه كام كده
؟

احنا مينفعش نقول بنسبه كام في الميه لان اى مكان فى الدنيا في الحلو وفى الوحش سواء كان بنات او ولاد زى مافي بنات وحشه فى الكويسه والعكس صحيح مع الولاد
والرسول عليه الصلاه والسلام قال الخير في وفي امتى الى ان تقوم الساعه
فمينفعش نحكم على البنات كلهم ونخدهم بذنب بنات تانيه ولا انت ايه رايك

انا مش عارفة انت ظالم البنات كدة ليه

البنات طيبيبن جدا ومحترمين

اة فى بنات مافورة شوية وبتتصرف تصرفات غلط

لاكن فى المعظم مش كدة

وبيحسبوا تصرفتهم وبيفكروا قبل ما يعملوا الحاجة

وبعدين عمر اللبس والميكب او التصرفات

مهما كانت غلط

دة ميدلش ان البنت دي مش ممكن تتغير

لو الشخص الى معاها اقنعها بكلامه

بالعكس الواحد لما بتحب حد

بتحب انها تسمع كلامه لاكن مش بتحب تعمل حاجة بالاجبار

وعلى فكرة انا كدة بتكلم على اغلبية البنات

انا مش ضد البنات انا ضد واقع انا شايفه
البنات دلوقتي بقت هي اللي بتلعب بالولاد
البنت زمان كانت مثال العفه تقدروا تقولوا ايه دلوقتي
انا ممقولتش كلهم بس اغلبهم كده
والعن من كده

والله الى بشوفهم مش كدة خالص

جايز انت بقى تعرف اكتر

بس الى شايفة ان البنات كويسين

اة اعرف ان فى بنات هي الى بتضحك على الولاد

بس ارجع وقول مهما كانت البنت

ممكن انها تتغير مش ممكن اننا نحكم على البنات بصفة عامة

علشان بعضهم مش كويس

مه الولد باقل حاجه بيتغير
انا بتكلم على الحال ناو قبل التغير
انتي شايفاهم كده ؟
البنات دلوقتي في وقار واحترام وبتحافظ علي بيتهم زي زمان
البنت بتحافظ على بيتها زي زمان
مش كل كلمه طلقني
او انا هخلعك


هما دول البنات
؟؟؟؟؟؟؟؟؟؟؟؟
في بنات كويسين بس متقنعنيش ان نسبتهم تعدي 2 او 4 في الميه

انا بحترم وجه نظرك وماشي هقول اني معاك بس انت بتقول ان معظم البنات بقوا كده مع ان معظم البنات دول فيهم اختك وبنت خالتك وبنت عمتك قولي بقه هتوقل ايه جننتني هنفضل طول النهار في الموضوع ده وبعدين انا معاك في بنات فعلا عايزين الولعه بس برتو في كتير ولاد ناس وبيتقوا الله في نفسهم بس انت تختار صح ولا ايش

يا جماعه خلاص انا قولت الموضوع دا بيفرق من شخص لشخص

ومش كل البنات كدا ومش كل البنات العكس

ومش كل الرجاله سى السيد ومش كل الرجاله العكس

هو لو الاتنين متوافقين مع بعض وبيحبو بعض

هينسو كل فوارق

وهيبقى الاحترام متبادل بين الاتنين

بس كدا دى الخلاصه

لا صح







تومااام
خلاص يا وائل هو احنا بنتخانق

ههههههههههههههههه

اصلكم هتقلبوها قضيه رأى عام بقى وكام فى الميه

والمجاميع فى الثانويه والمنتدى متراقب يا عم الحج

هههههههههههههه

علي خيره الله وانا اي هبلغ وبرتووووو انت ظالم البنات

ههههههههههههههه

كده تعترفى علينا من اول كف

ههههههههههههههههههههه بريئه ولا اعرفه يا حضره اليوسباشي

من اللي شوفته منهم
واللي ميشفش من البنات يبقي ـــــــــــــــــــــ