ياطابور يامولع عيش بالطحن

فى يوم من الأيام
أمى قالتلى ياواد ياحسام
البيت مافهوش ولا لقمة عيش
بسرعه قلبى وقع فى رجلى
وقلت أكيد هتبعتنى
المشوار اللى مايتسماش
قلتلها ياأما
أنا مش ميت مره قلت
ابعتينى كولالمبور
والمشوار ده بالذات متبعتنيش
قلتلها انتى مسمعتيش
عن اللى اتفختت عينه فخت
واللى دخل بقلب ميت فى الطابور
ونسى ان عنده من العيال كمان طابور
أحمد وعلى وزغلول وسكينه
الخ....... لعبد الغفور
عبد الغفور الصغير
اللى على وشه برائة الطفوله
والضحك والسرور
مستنى كراسته التسع سطور
اللى هيحبهالو أبوه
لما تحصل معجزه
وحد يطلعه من الطابور
وزى مادخل عم سيد بقلب ميت
طلع كمان بجسم ميت
وبعد كل ده عيزانى أحصل عم سيد
فاكره لما كنت فى الثانوى العام
وكان معايا أخويا هشام
وطلبتى منى نفس الطلب
وعملت أنا عنتر فجله
وقلت بكره ألبيلك الطلب
عديت على محمد صاحبى
قلتله ياصاحبى
أنا رايح أجيب عيش
وعايز كلبتك توسكا معايا
قالى غالى ورخيص الطلب
خدت توسكا ورحت الفرن
يمكن تخاف الناس
من كترهم خافت توسكا
بصيت عليها اتحولت نسناس
وصعبت عليها وهوهوت وقالت
تعالى معايا العشه
أنا عندى كام عضمه
عيناهم فوق القشه
انت أولى بيهم منى ياابن الناس
ماأنا بردو عندى احساس
قلتلها بس كده كتير عليا
قالتلى ياعم عادى
المليان يكب على الفاضى
على فكره
أنا سمعت ياأما
انهم هيحلو الموضوع ده بأسرع وقت
وكمان هيحطوله حد
قالتلى ياابنى
لما يبقى السبت مكان الحد
قلتلها بصى
أنا فكرت وقررت ان السعاده
هى انى أنول شرف الشهاده
والشهاده متجيش
الا أما أقف فى طابور العيش
قالتلى أبوك حارب فى 73 وجدك فى 67
قلتلها حضريلى انتى بس
دبابه ونبلتين
وسيف وكمان درعين
رحت وأمرى لله
بصيت لقيت طابورين عريضين
الصف واقف فيه ملايين
والكل بيقول عيش عايزيين
دخلت فى الصف اتفعصت فعص
وكنت هاروح فطيس
لقيت نفسى فى أخر الصف
اللى واصل فرعه باريس
حطيت ايدى عالمحفظه ملقتهاش
دورت على جنيه العيش مفيش
قلت زمان أمى دورت عليا وملقتنيش
والله كنت أفتكر عدويه
وأغنية زحمه وأنا فى باريس
وكمان المصريين وهما بيركبوا الأتوبيس
عدى 20 سنه وأنا فى الغربه
بأشتغل فى باريس
وحاجز مكانى فى أخر الصف
وبعد ال 20 سنه
قلت أبعت ابنى أحمد
يطمن أمى فى مصر
قالتله انت مين
قالها أنا أحمد حسام
قالتله انت سبت توتنهام
قالها أنا ابن ابنك
قالتله ابن الغالى
هو فين ابن الايه
قالها سبتو بيحارب فى الصف
قالتله على ايه
يعنى هو كان جاب بالجنيه
بقولك ايه
خد انت كمان ال50 جنيه
هاتلنا 10 ترغفه
وأشوفك بعد 10 سنيين
تقولى عملت ايه ......