هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
شباب عفاريت لتحميل احدث الافلام العربي و الاجنبي و تحميل احلي الاغاني و الكليبات و احدث الالعاب و البرامج الكاملة و الربح من الانترنت وصور والمصارعه والابراج
موضوع: رد: مين مين مين علي الكرسي خش وشوف الثلاثاء 20 أبريل 2010 - 19:44
هههههههههههههههههه
منورة القمر
منورة الكرسى يا عسل
خدى بقى شويه الاسئله دول
هسألك سؤال عن أبرز لحظات في حياتك ومتتخنقيش من كتر ألأسئله بسم الله:-- 1-أسوء لحظة مريتي بيها في حياتك وتتمني انك متشوفيهاش تاني 2- اجمل لحظه مريتي بيها في حياتك وتتمني لو تقدري تعيديها كل يوم 3- شعورك لحظة ما دخلتي المنتدى لقيتي كل صحابك القدام في اللينك موجودين 4-اكتر لحظه خايفه منها ومن انها تيجي وتتمني انها متجيش 5-اكتر لحظه تتمني انك تعيشها ومستنيها على فارغ الصبر
ماذا تعني لكي الكلمات :
الروح
الحلم
السلام
الحب
الأمل
البحر
المرأة
الرجل
العلم
شعارك في الحياة ؟
كام مره غلطى واعترفتى بغلطك وقلتلى انا اسفة ؟؟؟ ممكن تعتزى لاى حد ولا صعب عليكى ؟؟؟ امتى تعجبى بلشخص الى قودامك ؟؟
اكتر شخصية عجبتك هنا فى المنتدى؟؟؟
4_ ايه شعورك لما تعرفى حاجه بعد فوات الاوان
5_الصراحه وحشه كتير ايه رئيك
6_تعملى ايه لما تجرحى حد من حبك ليه
3_لو فى يوم من الأيام لاقيتى الفانوس السحرى .. وطلعلك منه عفريت وقالك ليكى أمنية واحدة هتتمنى إيه ..؟؟
موضوع: رد: مين مين مين علي الكرسي خش وشوف الأربعاء 21 أبريل 2010 - 22:50
1-أسوء لحظة مريتي بيها في حياتك وتتمني انك متشوفيهاش تاني
اسوء لحظة فى حياتى لما يبقى الواحد فاكر انوا مية مية ومش بيضيع اى حاجة منة وتمام خالص ويتصدم فى النتائج اصراحة انا بجد دى كانت اسوء لحظة فى حياتى واتمنى انى معملش كدة تانى وموصلش لكدة ابداتانى يارب ان شاء الله
- اجمل لحظه مريتي بيها في حياتك وتتمني لو تقدري تعيديها كل يوم
الحمد لله انا مرت بلحظات يامة حلوة اوى فى حياتى بس من راى ان الانسان ميدورش على لحظات فاتت هو ممكن يفتكرها ويفرح انها حصلتلة لاكن مش يتنمى تتعاد تانى الاحلى انك تحاول انك تعيش لحظات تانية حلوة بس مختلفة واحلى كمان ان شاء الله
3- شعورك لحظةما دخلتي المنتدى لقيتي كل صحابك القدام في اللينك موجودين
يااااااااااااااااااااااااااااااااااااااة دة انا هكون مبسوطة جدا جدا جدا والله لان بجد صحابى وحشنى جدا لانى مش بقيت اشوفهم خالص زى الاول كل وحدة فى كلية بقى وكمان يارتنا فى جامعة واحد لا كمان مختلفين فى الجامعات يعنى مش بنشوف بعض غير قليل جدا دلوقتى وهما وحشين جدا جدا جدا مش قدرة اقولك قد اية ويارب نفضل صحاب طول العمر
-اكتر لحظه خايفه منها ومن انها تيجي وتتمني انها متجيش
الصراحة انا حاليا مرعوبة جدا من النتيجة انا بجد دة اكتر حاجة خيفة منها حاليا ويارب تبقى كويسة ان شاء الله انجح يارب
-اكتر لحظه تتمني انك تعيشها ومستنيها على فارغ الصبر
الروح الروح تعنى كلمات كتيرة اوى الروح دى هى اصلا الانسان بكل الى فية من جميع معانى الشعور والاحساس الروح هى الى بتميز شخص عن شخص الروح هى صفات الانسان الروح دى كل حاجة فى الانسان ومن غيرها الانسان بيموت علشان كدة هى اهم حاجة فى الانسان
الحلم
كل انسان فيا لازم يحلم الحلم دة اساس الحياة لو الانسان مقدرش يحلم يبقى مش عايش الانسان لازم يحلم علشان يعرف يحسن من نفسة بجد الاحلام دى ليها عامل نفسي كبير اوى علشان الانسان يحقق اهدافة بجد انا بنصح الجميع لازم تحلموا مفيش احلى من الاحلام بس لازم بردوا تعمل علشان تحقق احلامك
السلام
السلام دة افضل شئ ويارب نعيش كلنا فى سلام ونقضي على اى حرب ودمار والشعوب الى عايشة فى حروب ان شاء الله ربنا يقف معاها وتنتهى حروبها مع اعدائها ويعيش الجميع فى احلى سلام يارب نعيش كلنا فى سلام دائم
الحب
الحب دة اجمل احساس فى الوجود مش شرط ان كلمة حب تبقى حب الحبيب لا حب ربنا وحب رسولة وحب ماما وبابا وحب اصدقاءك واهلك واخواتك وحب ناس يامة اوى المفروض اننا نحمد ربنا على نعمة الحب فى غيرنا مش بيعرف ابدا يحب وبيحب بس انوا يمتلك مش يحب
وهكمل الاسئلة لما اجى بس علشان هنزل دلوقتى يالا اشوفكم على خير ان شاء الله
موضوع: رد: مين مين مين علي الكرسي خش وشوف الخميس 22 أبريل 2010 - 7:55
اكمل بقى باقى الاسئلة
معلش اتاخرت عليكى يا ملوكة
بس يعنى اهي ظروف والله
الأمل
الامل دة مهم جدا لازم يكون عندنا امل دايما فى بكرة علشان نعرف نكمل انا عن نفسي بحب التفائل جدا وبحب الامل جدا ابدا مش بحب التشائم ولا اليأس
البحر
انا بحب البحر اوى وكل لما احب اتمشى انا وصحابى نروح على البحر وبيبقى تغير جو لذيذ اوى بالنسبالى البحر ليك مواقف حلوة اوى معايا
المرأة
دة السكرة بتاعت الحياة المرأة دى اساس المجتمع هى الى بتربى وهى الى بتكبر وهى الى تعمل كل حاجة وبعدين الستات دول الحاجة الحلوة الى فى الحياة دول الستات دول كلهم زى القمر والسكر والشربات
الرجل
هو لية دور برضوا اهو بيروح الشغل وبيجى من الشغل وبيتعب بردوا والله كتر خيرة هههههههههههههههههههههههههه الراجل هو باقى المجتمع واساسى بردوا فى المجتمع لان هو والمراة بيكملوا المجتمع ومينفعش الاستغناء عن اى حد منهم يعنى اهو مهم
العلم
العلم دة سلاح لاى حد فى الزمن دة لازم العلم دة مهم جدا والله انا شايفة ان هو بجد لازم يبقى اهم حاجة فى المجتمع واكتر حاجة تركز عليها الدولة حاليا
كام مره غلطى واعترفتى بغلطك وقلتلى انا اسفة ؟؟؟ ممكن تعتزى لاى حد ولا صعب عليكى ؟؟؟
عادى على فكرة الاعتراف بالغلط بالعكس انا بحترم جدا الى بيغلط ويعترف بغلطة وانا معنديش مانع ابدا انى لما اغلط اعترف بغلطى واتاسف كمان لو حد فعلا غلط فى حقة لازم اعتذر اى حد لا عمرة ما كان صعب بس لازم اكون متاكدة فعلا انى انا الى غلطانة وساعتها مش هيكون عندى مانع ابدا بس الصراحة مش فاكرة كام مرة دى انا مش بفتكر الحاجات دى اصلا يعنى عادى مواقف عادية وبتعدى بس انا متهيقلى يعنى انى مش بعمل حاجة اصلا تخلينى اتاسف عليها غير الصراحة لماما ساعات مش بعمل حاجات عايزاها منى علشان كدة بتاسفلها والله مش فاكرة لو فى اى موقف مع حد تانى بس بنسبالى المبدا مش مرفوض
امتى تعجبى بلشخص الى قودامك ؟؟
الصراحة اكتر حاجة اكتر حاجة تشدنى فى الشخص الى قدامى اولا بصيتة بس دى يعنى مش اساسي اوى الى بيشدنى بقى شخصيت الى قدامى احس كدة ان الشخص دة متفهم كدة وعاقل واحس كدة انوا فعلا راجل مش واد اهبل سيس وعمر الشكل دة ما يفرق معايا انا دايما صحابى كانوا بيتريقوا على الولاد الى بعجب بيهم علشان شكلهم عادى يعنى بس انا بعجب بالشخصية مش الشكل اصلوا ولد مش بنت مش مهم الشكل بنسبالة اهم حاجة شخصيتة
اكتر شخصية عجبتك هنا فى المنتدى؟؟؟
لا الصراحة معظمكم شخصياتكم كويسة يعنى الصراحة مفيش شخصية معينة شدتنى اوى معظمكم زى بعض يعنى شخصيات عادية مفيش شخصية شدتنى اوى يعنى اصل مش اى شخصية تشد انتباهى لازم يكون ليها مواصفات محددة وسبحان الله لما بعجب بشخصيت حد معين بلاقى باقى الصفات كلها فية يعنى هى بتعتمد على الاحساس رقم واحد وانا احساسي عالى شوية فى موضوع الشخصية الى عايزاها بعرف احسها كويس
4_ ايه شعورك لما تعرفى حاجه بعد فوات الاوان
اكيد هضايق اوى طبعا لانى ممكن اكون اتصرفت تصرف مش هو الى لازم يحصل واكون ظلمت حد مثلا بس متهيقلى مش فاركة حاجة زى كدة حصلتلى اصلى يعنى مش بحط فى بالى الحاجات البسيطة دى
5_الصراحه وحشه كتير ايه رئيك
لا طبعا الصراحة عمرها ما كانت وحشة بالعكس انا بحس ان الكدب هو الى بيضمر كل حاجة حتى لو بال الشخص ان الكدب هو الى هينقظة بحس بالعكس الكدب بيوقعة فى الغلط اكتر ومن السهل اوى انوا يتكشف كمان يعنى عن نفسي انا لما بعرف شخصية معينة اى وحدة من صحابى يعنى بعرف امتى بتكدب وامتى بتقول الحقيقى بس دة لما اعرف حد قوى بس والله ساعات كدة بحس ان فى ناس بتشتغلنى ساعاتها ببعد بسرعة لانى بحاول مسمحش لحد يجرحنى لانى مستهلش اتجرح من حد لانى مش بجرح حد وعمرى ما اكدب ابدا على اى حد مهما كان هى مرة واحد كدبت يعنى بس حرمت بقى من بعدها بس منكرش انى ساعات بكدب كدبات بيضة
6_تعملى ايه لما تجرحى حد من حبك ليه
يعنى يكون حد بيحبنى واجرحة يعنى بصى انا مش بحب ابدا اجرح حد بس مرة اتعكيت فى حكاية كدة بس عرفت اطلع منها مفكراه هو الى جارح انا عندى ابان مجروحة لاكن مجرحش حد ابدا
b]3_لو فى يوم من الأيام لاقيتى الفانوس السحرى .. وطلعلك منه عفريت وقالك ليكى أمنية واحدة هتتمنى إيه ..؟؟
مش عارفة امنية واحد بس وبما ان الفانوس السحرى مش بيجيب غير حاجات مادية اكيد هطلب منة فلوس بس اوعوا تقولوا انى طماعة لا والله ابدا بس لو اى حد مكانى هيختار كدة بردوا لان الفلوس هى الى بتجيب معظم الحاجات بعد كدة لانى عمرة ما هينفع اقولة عايزة مثلا راحت البال لانة مش هيعرف يعملهالى ولا الفلوس بردوا هتعرف بس طلما ممكن اعرف احصل على حاجة لية موصلهاش
موضوع: رد: مين مين مين علي الكرسي خش وشوف الخميس 22 أبريل 2010 - 22:19
انا معرفش اسئلتي هتبقي مكرره ولا لا لو مكرره قول ومتجوبيش تاني مين اللي تقوليله او تقوليله شكرا اني عرتك مين اللي تقوليه بحبك بس زي اخويا مين اعز عضو بالنسبه يكي مين ارخم عضو مين العضو اللي نفسك تعرفيه اكتر عضو تقيل علي قلبك عضو رقيق عضو فنان في ك شغله كل ده عضو او عضوه طبعا
هل انتي رومانسيه ما معني الرومانسيه لبرومانسيه احسن ولا الواقعيه
موضوع: رد: مين مين مين علي الكرسي خش وشوف السبت 24 أبريل 2010 - 9:32
انا معرفش اسئلتي هتبقي مكرره ولا لا لو مكرره قول ومتجوبيش تاني
لا طبعا عادى يا احمد حتى لو متكررة هجوبها بردوا مش معقول تسالنى ومجوبش
مين اللي تقوليله او تقوليله شكرا اني عرتك
والله انا مش فاهمة كلمة عرتك دى مش عارفة انت تقصد اية ياريت توضحلى السؤال دة
مين اللي تقوليه بحبك بس زي اخويا
كل الولاد الى هنا فى المنتدى بحبكم كلكم زى اخويا تقبلونى ابقى اختكم اكيد هتوفقوا طبعا انتوا تطولوا دة انا اميرة المنتدى دة مش كلامى دة كلام وائل دبستك يا باشا ههههههههههههههههههههههههههههههههههههههههههه
مين اعز عضو بالنسبه يكي
والله انا بحب كل الاعضاء جدا دى فعلا حقيقة والله كلكوا عسلات خالص وتتحبوا بسرعة اصلا بس اعز وحدة بما ان مى بلقيها فى كل حتة قدامى لما خلاص اخنقت منها لا طبعا مقدرش اتخنق من ميمتى حبيبتى فهى اكتر عضوة واكتر حد فى حياتى كلها عزيز جدا عليا
مين ارخم عضو
والله صدقونى بالنسبالى مفيش ولا عضو رخم هنا فى المنتدى انتوا كلكوا تمام وزى العسل وبعدين لو فى حد رخم كنت مشيتة من المنتدى بتاعى بعد ازنك طبعا يا وائل بس اطمنة مفيش رخمين كلكوا عسسيل زى او وخدينوا منى هههههههههههههههههههههههههههههههههههههههههههه
مين العضو اللي نفسك تعرفيه اكتر
انا الصراحة نفسي اعرفكم اكتر كلكم والله عايزة اعرف الناس الى بحبها دى عملة ازاى وبعدين انا اصلا فضولية يعنى يعنى من الطبيعي جدا انى اكون عايزة اعرفكم كلكم
عضوة رقيق هو اكيد مش عضو هى اكيد عضوة ممكن نور القمر
عضو فنان في ك شغله
اكيد انا طبعا انا الفن الكلة ههههههههههههههههه كل شغلى فى فنى العظيم يعنى عمركم شوفتوا مواضيع بالفن دة لالالالالالالالا طبعا فنانة يا منورة هههههههههههههههههههههه
كل ده عضو او عضوه طبعا
ماشي يا عم احمد انت تامر
هل انتي رومانسيه
يعنى ممكن اة انا رومانسية اظن ان اى واحد بتحب الرومانسية اصلا المرأة بطبعها رومانسية
ما معني الرومانسيه
الرومانسية يا سيدى يعنى انت مش عارف طب هقولك الرومانسية دى احلى احساس فى الوجود الرومانسية عبارة عن وردة تقدمها من غير ولا كلمة بس هى بتحمل معانى يامة اوى الرومانسية يعنى حنية وكلمة حلوة تضيع اى حزن والم جو الانسان الرومانسية يعنى شعور بالدفئ مع الشخص الى بتحبة الرومانسية ليها معانى يامة اوى وكلها بتعبر عن الحب والامان
الرومانسية احسن ولا الواقعية
الرومانسية مهمة جدا ولازم تبقى موجودة علشان الحب يستمر لان الحب من غير رومانسية ميبقاش حب بس مينفعش الحياة كلها تبقى رومانسية لازم بردوا يبقى فية واقعية لان الدنيا عمرها ما هتتعاش بالرومانسية بس اية هيكلوا ويشربوا رومانسية وبعدين كمان فى حوارات بتبقى محتاجة الواقعية شوية يعنى الاتنين مهمين ومينفعش نقول ان فى واحدة احسن من واحدة الاتنين لازم يكونوا موجودين
الرئيسية
الإثنين 19 أبريل 2010 - 5:28
