يلعن ابو اللي يكرهك ويخربيت اللي يحبك

مصر حبيبتى زعلانه منى لية هوة انا عملت اية دة انا حتا بجيب اسمها بكل خير

ولا هيا زعلانة منى علشان بشردها فى المنتديات

يامصر انتى اكبر من كدة بكتير

تقوم
مصر تقولى لاء انتا مش ابنى ,ولا متكونش نسيت اة منتا نسيت وبعتينى و
وشردينى وسايبنى وقاعد بتغسل المواعين ,,!!! ياخساره ياخساره يا خسارتك
يا رامي .خسارة الميه الملوثه

اللى وفرتهالك, يا خسارة الاكل المسرطن اللى اكلتهولك,

يا خسارة التعليم اللى ملوش لازمه اللى علمتهولك ,

يا خساره انى ريحتك وموفرتيش ليك الشغل اللى يناسبك علشان تكون مرتاح

ومتتخرجش وتقعد فى الشمس...نسيت دا كله؟؟

نسيت افضالى دى كلها ياناكر الجميل وبتتكلم عن وحش بعد العمر دة كلة اخص والف اخص...

ماماااا
مصر ارجوكى كفايه مش مستحمل دا انتى بلاد طيبه وقريبه وحبيبه ولو كنت مره
اسيت حقك على راسى , وعلشان تعرفى ان خيرك ده كله مغرقنى اتفضلى ياحبيبتى
هتكلم عنك انا ليا مين غيرك....

ياماما مصر:

السكر

اليومين
دوووووووووول اتجنن باه ناااااااااار اعتقد ده بسبب ان اللى بنى بمصر كان
فى الاصل رقااااااصة على رائى فيفى عبدة سورى دة كان حلوانى معلش نسيت
علشان كده فى ازمه فى السكر دلوقتى..مش كده يامامتى؟؟صحيح يا ام الدنيا
اسسكتى مش البيبسى غلى هو كمان تبعا لغلاء السكر!!! ايه بتقولى ايه واشرب
بيبسى ليه دا مشروب رفاهيه؟ طب اشرب ايه؟ بتقولى اشرب من النيل...!!

اسسسسسسسسسكتى معرفتيش مش بيقولوا

هيقفلوا الحنفيه من عند اثيوبيا...!!

يخربيت الى يحبك ويلعن ابو الى يكرهك

_ ماما مصر ممكن ياحبيبتى تسمحيلى اقول حاجه

لشيخ ازهرك اى الشيخ طنطاوى

اوعدك كلمتين وبس يخليكى ليا:

كتاكيتو بنى:)

بسس كده مش عايز افاتح اكتر من كدة فاهمنى

الله يرحمك يازينات ياصدقى كنتى بتقولى حكم والله..

ال بيقولك اقتراح بتصعيد دكتور نظيف لمنصب نائب رئيس الجمهويه

يانهاااااااارى يانهارى دا وهو رئيس وزرا ومش ملاحقين , والتصعيد ده بأه
بناء على انجازاته فى الكوارث...طب انا هسالك سؤال ياشيخه قصدى يامصر انتى
ترضيها لبنتيك سورى قصدى لنفسك ؟

ترضى انه يكون نائب الرئيس؟

اة ميكونش علشان

_مسكو شحنه جديده للقمح الفاسد قادمه من فرنسا

دى غير الشحنه اللى كانت قادمه من روسيا ,الا ليه ياا ام الدنيا دايما نسيب الحمار ونتشطر على البردعه

,
يعنى يرضيكى نسيب الفاسدين اللى دخلوا القمح ونتشطر على القمح المسكين.
والله دا ظلم ظلم..وافترا كمان ذمبه ايه القمح المسكين يتقفش ويفضل مرمى
على الارصفه.

وطلما ان شهر اكتوبر كان فية انتصارنا

ورجعنا الارض,رجعنا سينا بدم اصحابنا وابهاتنا ومافيش بيت مصرى غير مافية
شهيد نقوم نديها للاسرائيلين تانى بالسياحه والشاطر اللى يتجرا ويروح يصيف
هناك ايييييييييييييه انتو فاكرينها سايبه مش الاسرائيلين بيصيفوا هناك
تروحوا انتو كمصريين ليــــــــــــــــــــــــــه؟!!

بالمناسبه يامصر هتعرضى لينا فيلم ايه؟ امانه عليكى فيلم بدور
والفلم التانى ده اللى فية محمود ياسين رجله بتتقطع فيه.ايه بتقولى كل
الافلام رجل محمود ياسين كانت رجله مقطوعه فيها,,مش فاكر يامصر الافلام
اللى كنتى بتعرضيها لينا واحنا صغيرين وكانت دى رمز اكتوبر الوحيد اللى
نعرفه اننا بناخد اجازه من المدرسه ونشوف فيلم بدور الساعه 10 الصبح:)

لاء ونسبة العنوسة يا مصر ما اقولكيش عليها

ولا القتل

والسرقة

والانفلونزا اذا كانت طيور

او الخنازير

يعنى بجد انتى مش حرمانة من اى حاجة يامصر اطب اسمعى دى

ابو الغيط وزير خارجية مصر
بعد مطلع فى احد التصريحات وقال ايوووووه مصر هى اللى اتسببت فى عدم
انعقاد جامعه الدول العربيه وقت غزه!!! وبعد مطلع قال ايووووووووه كنا
عارفين ان اسرائيل هتضرب السودان وبعد تقريبا مبوظ كل علاقتنا الخارجيه اذ
طلع علينا بالتصريح دهون:

ايران دوله صديقه:)

صديقة الزاى بأى عقلل ودين ان ايران تكون صديقة دى بلد لا ليها لادين ولا ملة ولا اى حاجة دول الى

كانو
على عهد سيدنا محمد بيقومو بالاشعال الفتنة بين المسلمين دول كانو بيسلخو
ناس اهل السنة وهوما احياء ,ولامشكلها معا السعودية لما كانت هتفجرالحرم
المكى




يا جدع عيب عليك وعيب وجاى تقول تلوقتى انها صديقة مش دى الى طلعت تقول انها الى بتساند نصر الله

بتاع
لبنان الى كان هيدخل اسلحة عن طريق مصر وكان هيقوم بعمليات ارهابية فى رفح
ولا انتا كمان هتقول انا مقولتش اكدة اكيد انتا هتقول الكلمة دى اصلها
بقئت موضة واخد بالك معايا اصلها بقئت موضة

ياسيدى
ايران كخه ووحشه ولا صديقه مش دى ايران برضه اللى اتهمتوها انها بتعمل
تنظيمات سريه فى مصر وتقوم بتمويلها,مش ايران دى بنت ستين فى سبعين اللى
اتشرطتو على

جامعه الدول اان نيجاد ميكونش موجود فيها .

وبالمناسبه دى احب اسمع اغنيه الراجل ده هيجننى هيجننىىىىى..

__كنت بقلب كده فى التى فى ولقيت على اون تى فى الست

نوال السعداوى

عاريفنها
طبعا,اممممممممم مش عرفينها طيب دى اللى بتطلع بحجات جميله دايما مثلا ان
مفيش حاجه اسمها حجاب وان المفروض اى بنى ادم يتسمى باسم امه وابوه يعنى
مثلا محمد تفيده فوزى وعلشان كده بنتها اسمها منى نوال حلمى يانهارى يعنى
مثلا وما اجى اتجوز ولادى البنات يبقئو على اسم ابوهم دة انا اطلقئها
المهم الفضول قتلنى وما ادراكم ما فضولى وكثيرا نقول الفضول قتل القطه.

المهم لقيت الست نوال

بتقول ازاااااااااااى حد يقولى ان الشيخ شعراوى

افضل منى؟؟؟؟ايه اللى يخليه افضل منى؟ انا مش شايفه انه افضل منى فى حاجه..ممكن تزغرطى يامصر اصلى مش بعرف:)

_مرتضى

وشوبير

مبيتهدوووووووووووش الواحد كل ميشوف تصريحاتهم لا يملك سوى انه يقول:

يا مثبت العقل والدين ياااااااااااااااارب

بس انا بشكرك جدااااا يا ام الدنيا اهم حاجة بجد ان ناس لطيفه .اشى سيديهات من الى بالى بالك على مخدرات على سب وقذف عالم مسليه.

الست غاده عبد الرازق

اعلنت ان دكتورها النفسى
هو اللى نصحها بضروره انها تعمل الادوار الجريئه علشان تعالج الفوبيا اى
الخوف اللى بينتابها لما تيجى تمثل الادوار دى!!!!يعنى محدش يكلمها معاها
شهاده معامله الاطفال قصدى شهاده معالجه الوفبيا

شوفتينا واحنا بنعالج الفوبيا يا مصر.. كل محد يجيله فوبيا يقلع يقلع يقلع يقلع يقلع يلقع يقلع يقلع

لحد مبقائش حد لابس حاجة يامصر

..يادكاترك ياام الدنيا.

لسه زعلانه منى يا ام الدنيا؟؟؟ اقول كمان؟ا ايه سكتى ليه؟ ايه بتقولى ايه؟ اخلينى فى غسل المواعين احسن ؟:)

ياخوفى يامصر عليكى من الصورتين دول

بس برضـــة

يخربيت الى يحبك ويلعن ابو الى يكرهك

واييييييييييييييييييييييية

تيحاتى ولدعاء لولديتى
رامي بكار

بجد الموضوع جاااااااااااااااااااامد اخر حاجه

وفعلا ربنا يسترها

وينعدل العال فى 2010 ان شاء الله

بس حلوه اوى الصورة دى




ههههههههههههههههههههههههههههههههههههههههههههههههههه

ربنا يسترهااااااااااا

تسلم ايدك يا قمر

ميرسي ليكي يا عاشقه المستحيل علي ردك
وربنا يسترها

وانته يا معلم كيشوووووووو
ههههههههههههههههههههههههه
ابو شا هين توووولع ههههههههههههههههههههههه
اشطه عليك يا كبير
ربنا يتسر علينا
اي خدمه يا كيشو مش حارمك من حاااااجه بفرجك علي اخر استايلات الستااااااات
اي خدمه
ههههههههههههههههههههههههه
بس ايه رايك فيها تجنن اخر حاجه مش كده


ميرسي لمروكم مره تانيه نورتوني
وربنا يستر علينا
رامي بكر