يا قلبي ليه

ليه يا قلبى, مش حبيبك

ليه يا قلبى باضحك
وانت من جوايا حزين
ليه بتشتكى
واسمع منك انين
عرفت حب زمان
وايه ياعنى
خفت عليه وضحيت علشانه
باعك وباعنى
ولسه حاسس بيه
بتفكر فيه
وانت انجرحت منه
بتعيش ايام زمان معاه
والخيانه كانت فى دمه
انساه وعيش ايامك
وداوى جراحك والامك
انساه حتى لو فكر فيك
واوعى يوم تطلب عطفه
او القسوة عليك
حبيبك زمان كان بيحبك
يطلب عطفك
حنانك
ويرمى قلبه قدامك
ويتمنى نظرة عينيك
مش هاكدب عليك
مش حبيبك اللى يبيعك
ويشترى قلب غيرك
ويرميك فى الشوك
مش حبيبك اللى يبكى قدامك
ومن بعيد بيضحك عليك
مش حبيبك اللى ناسيك
وفى عينيك بيخاف عليك
لا يا قلبى
مش هافرح وانت حزين عليه
مش هاشوفك تانى بتحن ليه
حتى لو بكيت عليه
هابكى على الحب اللى كان
لو شفت عينيه
مش هافكره بايام زمان
هانسى ان كان ليا حبيب
عرفت قلبه ورسمت عينيه
هاشوف الماضى اوهام
هاشوف حبه احزان
وهارسم غدره
وتسمعه الايام

مستني ردودكم
رامي بكر

بجد كلام جميل تسلم ايدك يا رامى

ميرسي ليك يا بوب الحمد له انه عجبك

تسلم ايدك
موضوع حلو وى

موضوع جميل جدااااااا يا رامى

تسلم ايدك

اقتباس :: مش حبيبك اللى يبيعك
ويشترى قلب غيرك
ويرميك فى الشوك
مش حبيبك اللى يبكى قدامك
ومن بعيد بيضحك عليك
مش حبيبك اللى ناسيك
وفى عينيك بيخاف عليك

حلو قوي تسلم ايدك يارامي

ميرسي ليكم نورتوا التوبيك

» سكن قلبي
» قلبي عفا
» قلبي البري
» قلبي اولي بيا
» قلبي محتار