اسئله تجيب الشلل!!!!!

اسئله بديهيه مالهاش اي لازمه في
الدنيا

بنتعرض ليها كل يوم من كل الناس

خلـونـــا نشــوف أمثلة

أنت في أوضتك .. على السرير وطافي النور ومتغطي ...

يجي أخوك الظريف ويفتح الباب عليك ويقول : ايه ياد انت هتنام ولا ايه ؟

(( أظن ده مش وضع الرقص !!! واضح ان انا هنام ))

*************** ****

أنتم معزومين عند ناس ورحتو لبيتهم وأول ما فتحولكوا الباب يقول

ابنهم الصغير " انتوا جيتــوااااااااا ااااااا

(( لا لسه ))

*************** *****

والعكس : أنت لابس هدومك و متأنتك و على سنجه عشره وريحة البارفان

واصله لاخر الشارع .. وخلاص بتفتح باب الشقه,, يجي حد من أهلك وينادي

بصوت عالي : انت خااااارج ولا اييييييييي يه

(( !!! لاء دانا لسه راجع ))

*************** ******

أو مثلا راكب العربيه ودورتها وخلاص هتطلع ... يجيلك لك البواب

ويخبطلك على الزجاج,, أنت بكل ذوق تفتح الزجاج وتقوله : خير في حاجه؟

يقولك : انت رايح الشغل يابيه ؟

(( لا العربيه واحشاني ))

*************** ***

>>

مثلا ماسك سماعه التلفون وقاعد تضغط الارقام يجي حد من أهلك ويقولك

: انت هتتكلم في التليفون ؟

(( لا أبتفرج عليه ,, أكيد بتكلم ))

*************** ***

مثلا : ماسك مذكرة أو كتاب وقاعد تحفظ ومتحمس (أول مره بقى ) .. جه حد

وقالك :هاه قاعد تذاكر ؟

(( تقوم رامي الكتاب و تقوله لااااااااء ))

*************** **

ربنا هاديك كده ... ماسك سبحه و عمال تسبح ، يجي حد من البيت يعدي

عليك ويقول :هوه انت بتسبح

(( لاء هفرطها و أسلقها ))

*************** **

ولا تعالــو شوفو قنواتنا واسئلتهم البديهيه البايخه

برنامج اهداءات يتصل واحد يطلب أغنيه

ترد عليه ست الكوتكوته (المذيعه) بكل خفه ورشاقه : أنتا بتحب

الاغنيّة ديه ولا ايه ؟

(( لاء طالبها اخنق على نفسي))

*************** **

أو مثلا في العيد

المذيع : هههههه هههههههه هههههه نتعرف بيك

االمواطن : فلان الفلاني

المذيع :هههههه هههههه هههههه بتقول ايه للأهل ههه و صحابك ههه و

قرابيك هههه و للناس اللي انت مخاصمهم كمان ؟ هههههه هههههه ههههههه

المواطن : أقولهم كل عام وأنتم بخير ..

(( أكيد يعني مش هيقولهم البقاء لله ))

ههههههههههههههههههه

بس عادي يعنى اسئلة عادية

الناس بتحب تتاكدة

مفيش مشكله لما ناكدلهم

ههههههههههههههههههههههه

يعتبر خلاص احنا اتعودنا على الاسئله دى

والرخامه دى

هههههههههههه

تسلم ايدك

ههههههههههههههههههههههههههههههههههههههههه
فعلا اسئلة رخمة اووووووووووووووووى
انا عن نفسى بتخنق منها
بس موضوع رائع

هى فعلا اسئلة رخمة
تسلم ايدك على التوبيك

هههههههههههههههههههههههههه

هى فعلا اسئله تجيب الشلل

وانا بتضايق منها اوووووووووووووووووى

وتسلم ايدك

كل الناس بتتعرض للموقف الرخمة ديه
خخخخخخخخخخخخخخخخخخخخخ
اسئله تجيب الشلل!!!!! 119664

على فكرة أنا لو اتسألت سؤال رخمممممم زى ده مش برد وبأنفض ولا كانه اتقال
بس بجد موضوع خطير وحلو أوى ميرسييييييييييييييييييييي

مثلا : ماسك مذكرة أو كتاب وقاعد تحفظ ومتحمس (أول مره بقى ) .. جه حد

وقالك :هاه قاعد تذاكر ؟

(( تقوم رامي الكتاب و تقوله لااااااااء ))

هههههههههههههههههههههههههههههههههههههههههههههه

فعلا الواحد بقى بيبقى متحمس

يسدوا نفس الواحد عن المزاكرة

» بنوتة جننت خطيبها او بمعنى اصح جبتلة الشلل
» تعرف تجيب اسم الدلع للاسم دة ؟؟؟؟؟
» اسئله تكشف عن شخصيتك
» ثلاث اسئله حيرت العالم !!!!!!!!!!!
» اسئله رومانسيه ياريت الكل يجاوب