ابعنا في الفصل
اللي فات إزاي بتبدأ ملاك يومها و إزاي بتروح كليتها و كمان بتقضي يومها
في الكليه مع ملك و كمان مضيء في الكليه نشاطه كان ماشي إزاي ؟؟؟؟؟؟
…..
- يا ترى فعلا في شاب ممكن يرذل على بنت متدينه ؟؟؟
- يا ترى ممكن شاب يعاكس بنت محترمه ؟؟؟؟
- طيب هتتصرفي إزاي لو شاب عاكسك ؟؟؟؟
- و هتتصرف إزاي لو بنت لقحت جتتها عليك بالبلدي يا مضيء ؟؟؟؟
- كل ده هنعرفه حالا مع الفصل الثالث من قصتنا تحت عنوان :-
( المواجهه ؟؟؟)
- ………………………………………
- إحنا شفنا ملاك بتقضي المواصلات في قراءة القرآن و الاذكار …
- يعني من الآخر كده مستحيل شاب يعاكسها في المواصلات …
- طيب و هيا في الطريق و ماشيه او و هيا في الكليه لو شاب غبي حاول يعاكسها أو يتعرف عليها هتعمل إيه ؟؟؟؟؟؟؟؟؟
- الغبي :- صباح الخير يا آنسه , ممكن اعرف الساعه كام ؟
- الغبي :- السلام عليكم , ممكن يا انسه اخد من حضرتك محاضرة الدكتور / الفلاني ؟
- الغبي :- إيه الجمال ده يا عم , تبارك الله فيما خلق , ممكن تليفونك يا جميل ؟
- الغبي :- بالراحه علينا شويه , احنا مش قد كل الدلال ده ..
- الغبي :- ممكن قلم بعد إذنك اصلي محتاج انقل نمرة واحد صاحبي بسرعه ؟
- الغبي بيحاول بشتى الطرق يطلع بكلمة واحده او رد من بنت محترمه و متدينه زي ملاك …….
- يا ترى يا اختي ممكن يكون رد الفعل إيه ؟
- ملاك :- صباح النور , طبعا , الساعه اربعه و نص ….
- ملاك :- و عليكم السلام , اتفضل المحاضره اهي , و ابقى رجعهالي بكره يا ريت ..
- ملاك :- الجمال ده خلقة ربنا , متبصش عليه ليه , من حقك
- مفتكرش دي ردود بنت متدينه ……..
- تعالوا نشوف سوا رد الفعل المحترم ؟؟؟؟؟؟
- البنت المتدينه بتفكر مليون مره قبل ما ترد على شاب بيسألها على حاجه …
- يا ترى شكله كده بيعاكس و لا فعلا محتاج الحاجه دي ؟
- يا ترى لو لبيتله طلبه هيبدأ حوار جانبي معايا ؟
- يا ترى الشخص ده انا عارفاه شكلا كده و عارفه انه محترم ؟
- طيب الولد ده بيقعد مع بنات في الكليه و اخلاقه معروفه انه محترم و لا مش متربي ؟
- يا ترى و يا ترى و يا ترى ؟؟؟؟؟؟؟؟؟؟؟
- المفروض لو انا حسيت بذكائي الفطري انه فعلا محتاج طلب معين و الموضوع هينتهي بعد نهاية الطلب ده يبقى مفيش مشاكل …..
- بس على الاقل ملاك مرفعتش عنيها من على الارض و هيا بتدي لزميلها القلم …
- غض البصر مهم جدا في التعامل مع زميل داخل الكليه ….
- لكن لو كانت معاكسه صريحه و مباشرة ؟؟؟؟؟؟؟
- اعتقد الحل الامثل وقتها اني اتجنب اي رد فعل تماما …
- مبصش مين بيعاكس , مضحكش , متنرفزش عليه و ارد لأنها كده بتنزل لمستوى ادني في التعامل …..
- الاسلام امرها بكده …… اجتنب الوقوع في اي مشكله ( الباب اللي يجيلك منه الريح ….؟)
-
اصل اي رد فعل مباشر على معاكسه صريحه هيكون غلط , و الصح اني معطيش اي
اهتمام للشخص ده علشان فعلا يحس من جواه ان مفيش امل مني كبنت …..
- طيب تخيلوا معايا مضيء لو بنت من اياهم حاولت تجذبه لحوار جانبي …..
- الغبيه :- صباح الخير يا مضيء ازيك عامل ايه , اخبارك و احوالك و مش عارف ايه …….
- الغبيه :- ممكن تليفونك يا مضيء علشان محتاجه اكلمك في موضوع مهم ؟
- الغبيه ليها طرق كثيره جدا في جذب اطراف الحوار لحوار جانبي و ملوش لازمه من الاخر …………..
- مضيء زيه زي اي شاب محترم و على خلق ……
- الشاب المحترم يقدر يحكم على تصرفات البنت اللي امامه إذا كانت بنت اياهم و لا بنت متدينه …
- اصلها لو متدينه اساسا مش هتبدأ معاه حوار جانبي …
- يبقى قدام هيا بنت من اياهم اقدر بكل سهوله اتصرف معاها ……..
-
اقدر بكل زوق و جنتله اهرب من الوقوف معاها بأي حجه , عندي محاضره , واحد
زميلي مستنيني ,, كده يعني …… وقتها بس هتعرف البنت دي ان مفيش طريق
للوصول معاك لأي حاجه في دماغها …………
- ده كان الرد على سؤال الشباب و البنات و إزاي يتجنبوا مواجهة شاب غبي او بنت غبيه ……………………
- تعالوا بقى نشوف و نتابع الفصل الثالث بتاعنا :-
- تابعونا …………………….
……………………./ باسم فوزي ( الجنايني )
بسم الله الرحمن الرحيم
- الفصل الثالث ( المواجهه ؟؟؟)
- المكان :- مقر جمعية الامل الخيرية
- الزمان :- بعد امبارح بيوم و تقريبا الوقت بين العصر و المغرب ………
- مضيء :- إيه رأيك يا مالك لو نبدأ مشروع جديد هنا في الجمعيه ؟
- مالك :- بتفكر في إيه يا مضيء ؟
-
مضيء :- انا بفكر نبعت بنات من الجمعيه هنا لقصر الثقافه , بيدوا هناك
دروس تعليم في التفصيل و التريكو و كده ,, و بعديها يرجعولنا هنا نشتريلهم
مكنتين تلاته و يبدأوا شغل , و بعد كده نبيع الانتاج عن طريق المعارض في
الكليات ….
- مالك :- بصراحه هيا فكره كويسه جدا . تعالى كده نعرضها على مجلس الادارة ..
- بعد ما تم عرض الفكره بكل جوانبها على مجلس الادراه و تمت الموافقه كمان …
- ملك :- بقولك يا ملاك , إيه رأيك لو نشارك في المشروع ده ؟
- ملاك :- انا موافقه , تعالى نكلم مجلس الاداره و نسجل اسامينا ..
- عضو مجلس اداره :- التسجيل يا بنات عند صاحب الفكره , اخوكم مضيء ..
- و هنا بقى وقعنا في مشكله ……
- ملك محرجه جدا انها تكلم مضيء , و ملاك تقريبا بالنسبالها عادي جدا …
- ملاك :- لو سمحت يا اخي ممكن اكتب اسمي في المشروع …
- كانت بتتكلم و وجهها في الارض و مرفعتش عينها يا عيني …
- مضيء :- تحت امرك , الاسم بعد اذنك .. هيا مش زميلتك معاكي كمان ؟
- ملاك :- اه ان شاء الله , و اسمها ..
- مضيء :- عارفه انا كتبته خلاص …( و احمر وجهه خجلا )
- ملك :- انتي وشك احمر كده ليه يا ملاك ؟
- ملاك :- اصلي لسه هقوله اسمك , قاللي انه عارفه , تخيلي !!
- ملك :- اهااااا , و ده عرفه منين ده كمان ؟
- ملاك :- ممكن من كشوف الجمعيه , بس مفيش صور مع الاسماء !!
- ملك :- المصيبه ليكون سأل عليا , وكده يعني …
- ملاك :- مصيبة ليه ؟ انا شايفه انه انسان على دين و خلق و محترم جدا , سواء هنا او في الكليه …
- ملك :- بصراحه كده انا مش مستريحه من تصرفاته .
- ملاك :- هوه الواد اتصرف في اي حاجه علشان تقولي تصرفاته ..
- ملك :- مش عارفه بقى و خلاص ( و وشها احمر اكتر و اكتر )
- مالك :- انت وشك احمر كده ليه ؟
- مضيء :- أسكت انا نيلتها خالص …
- مالك :- إزاي ؟
- مضيء :- بتقولي على اسم ملك قلتلها عارفه انا كتبته خلاص ..
- مالك :- هههههههه , يا عبيط حد يقول كده ؟ !!
- مضيء :- تفتكر فهمت حاجه , انا مكنش قصدي , اتسرعت في الرد و مأخدتش بالي ,, مش عارف اعمل ايه بقى …
- مالك :- و انت خايف كده ليه ؟
-
مضيء :- مش عاوزها تعرف حاجه , علشان لو محصلش نصيب مبقاش شغلتها بأي حاجه
, و كمان انا مش عاوز يكون بيني و بينها اي نوع من التعامل علشان متعلقش
بيها او تتعلق هيا بيا , انت عارف كويس ان دي مش اخلاقي , و كمان الاسلام امرنا بكده …
- مالك :- عندك حق فعلا …
………………………………………….. ………………….
- ده كان الفصل الثالث من قصتنا …..
- اعتقد مش محتاج اقول تعليق على تصرفات الاربع شخصيات في قصتنا …
- قمة الاخلاق الحميده و الخوف من الله في كل كلمه و موقف و تصرف من ابطال قصتنا ……
- على فكره عندنا فصل مهم جدا جدا باكر ان شاء الله
تحياتى ليكم كيشو
:a3ed lekom:
الرئيسية
الثلاثاء 23 يونيو 2009 - 0:11
