موضوعى كلنا حسيناه وجربناه وعيشناه
الصداقة
ياااااااااااااااااه كلمة كبيرة اوى كلمة كلها مشاعر و احاسيس و مواقف حلوة و مواقف صعبة و فرح و حزن و مواساة
بجد كلمة كبيرة اوى
اتكلمنا عنها كتير
و كلنا عارفين عنها كتير
النهاردة كلامى موجه
لكل واحد فيكم بعد عن صديقه و سابه
وكمان كل واحد فيكم بيفكر بينه وبين نفسه ينهى علاقته بصديقه
عشان كلمة او موقف او مجرد احساس مش حقيقى
هل انت فى مرة اتفاجأت بكلمة من صديقك ادت انك تنهى الصداقة دى ؟؟
معقول فى كلمة ممكن تنهى اجمل علاقة صداقة استمرت سنين ؟؟
معقول الصداقة بروابطها الجامدة دى واقفة على كلمة ؟؟
ازااااااااااااااى يعنى ؟؟
جاوبنى
يااخى ماغفرش له ماضيه معاك ده ممكن كان يكون اقربلك من اخوك اللى من لحمك ودمك
سنين الطفولة والمراهقة اللى عيشتوها سوا ؟؟
سنين عيشتوها سوا بحلوها ومرها ؟؟
سنين مرت بيها اجمل ايام حياتكم ؟؟
لحظات كتير شاركك فيها فرحك و نجاحك ؟؟
لحظات كتير لما كنت بتحس انك مخنوق ونفسك تشكى همك فبتجرى عليه ؟؟
معقول كل دا يضيع عشان كلمة ممكن مايكونش قاصد معناها
وقالها فى لحظة غضب
وندم عليها بعد كده
او موقف انت ماتعرفش ظروفه و لا الضغوط اللى كانت عليه
ها هتفهم موقفه وتسامحه؟؟
ولا هتنهى علاقتك به فى اللحظة دى ؟؟
ولو عمل المستحيل وكرر الاعتذار ووسط خلق الله عشان تسامحه وترجعوا
هل هتسامحه ؟؟
ولو سامحته
ياترى هتبقى العلاقة زى ما كانت الاول واحسن ؟؟
ولا هترجع بس بحدود ؟؟
الصداقة كصحة الإنسان لا تشعر بقيمتها النادرة إلا عندما تفقدها
الصديق الحقيقي هو الذي يمشي إليك عندما باقي العالم يبتعد عنك
إذا قرر أصدقائي القفز من فوق الجسر فإنني لن أقفز معهم، ولكن سوف انتظرهم تحت الجسر لأتلقاهم
الصداقة هي عقل واحد في جسدين
الصديق هو الشخص الذي يعرف أغنية قلبك، ويستطيع أن يغنيها لك عندما تنسى كلماتها
موضوع شايفاه مهم وحابة اسمع ارائكم
الرئيسية
الأحد 17 أكتوبر 2010 - 3:36
