(( تفـاصيــل لا تنتــهـــي ))

فيني تفاصيل الالم والحزن وتفاصيل العتاب
بتفاصيلي اكون للبشر مثل الهدايا والعطور


فيني هدوء وفيني احيانا برود يحرق الاعصاب
واحيانا جنون ماحصل مع شوية حزن وسرور

واطباعي مع الناس للاسف ثقه وفتح ابواب
واحيان غموض وللاسف صدمات بالدور

انا مااقدر اخبي احساسي مع ناسي والاحباب
الشخص اللي احبه اعترف له قدام الحضور

واذا قابلت احبابي اضمهم بشوق ووحشة غياب
ولااخبي فيني لهم بخاطري أي كلمه وأي قصور

انا كذا اخاف لو مااقول احساسي مع الاصحاب
اخاف يجي يوم افقدهم ولايدرون عن ذاك الشعور

واسامح حتى لو كانت مصيبه من اقرب الاقراب
واقول دايم لقلبي اهدأ وانسى لاتزعل ولاتثور

طبع فيني اكتسبته من الايام وهذا اشوفه صواب
واشياء فيني انكرها واحبها وهذه كثير امور

واحيان اكتب بسبب واحيان بدون اسباب
واحيان ابكي بضحك واحيان اسكت غرور