كرسي العفاريت مع ... الضيفه ( eng.rose88 )

تسلم ياض ع الاختيار الجامد دا

هيا فعلا نور من احسن الاعضاء فى المنتدى هنا

وبجد بتتميرز بالحكمه فى ردودها

ومواضيعها

وبردو دمها الخفيف وروحها الحلوه

يلا يا عسل جاوبى ع اسئله الواد دا

عشان اسئلك انا كمان

ميرسي ياماجيك ع كلامك
حلوه المفاجئه دي بجد

يلا هاجوبك بقى

اقتباس :

متي تشعري بالضعف امام من تحب ؟

ايه السؤال المحرج ده
الما بحس بحنيته

اقتباس :

عبري عن حياتك الى عشتيها لحد دلوقتي بكلمات بسيطه

غلطت و اتعلمت منها كتير قوي
ويعني كانت مضلمه ونورها حبيبي

اقتباس :

هل هزمك حزنك في يوما من الايام؟

اه كتير
اخر مره كانت الصيف الي فات
كان عندي مشكله كبيره
عشان كده ساره بتقول عليا كئيبه
ههههههههههههههههه

اقتباس :

نور غمضي عنيكي دقيقه وقليلنى ايه الى هيخطر في بالك

خطر في بالي حاجات كتير
اولها مشروع التخرج عشان حاسه انه هم كبير
ربنا يعدي السنه دي ع خير

اقتباس :

ايه هو الاقتراح الى نفسك يحصل في المنتدى ومحصلش

مفيش حاجه معينه
وائل ديموقراطي وبيسمع للكل
ههههههههههههههههههههههه

اقتباس :

حكمه نور تئمن بيها ايه هيا يا ترى

عامل الناس كماتحب أن يعاملوك

اقتباس :

عضو تلقبي سوبر استار المنتدى

كل عضو تلاقي فيه حاجه تميزه
بس لو هتتكلم عن المجهود
اكيد رامي
ماشاء الله مش بيسيب قسم في حاله
انا بقر عليك
ههههههههههههههههههههههه

اقتباس :

عضو او عضوه تقليلو يا غايب ليه ما تسئل

خلود
ومحمد sun rise

اقتباس :

عضوه محبوبه جدا

امنيه "ملكة الحزن"
وهي تستاهل ده اكيد
وبحبها جدااااااااا مع اني ماعرفهاش قوي


بس كده
الحمدلله
ربنا يستر البدايه كويسه

اية الاجابات العسل دى

منورة الكرسي والله يا نور

وهبقى اسالك انا كمان حبة اساله انا كمان

ربنا يخليك ياوائل
ده من ذوقك بس

اقتباس :

اية الاجابات العسل دى

منورة الكرسي والله يا نور

وهبقى اسالك انا كمان حبة اساله انا كمان

ده نورك ياجميل
وانا مستنيه الاسئله بقى

لا بجد اجابات شديده جدا يا نور منوره الكرسي

انا بقى جايبالك شوية اسئله لذيذة وزي العسل
هي


ما هو أهم هدف في حياتك ؟
2. ما لونك المفضل ؟
3. ما هو عطرك المفضل ؟
4. من أحب الناس إليك ؟
5. من الصديق الوفي برأيك ؟
6. لو ألفت كتاباً ماذا سيكون عنوانه ؟
7. ماهو السر الذي ستقوله الآن ؟
8. من الأصدقاء الذين تخليت عنهم ؟
9. ما هو أهم انجاز في حياتك ؟
10. ما هو اقرب انجاز لك ؟
11. متى تشعر بالسعادة ؟
12. ما هو اسعد يوم في حياتك ؟
13. ماذا تحب ؟
14. مالذي لا تحبه اطلاقاً ؟
15. مالعمل الذي تستمتع به لآخر درجة ؟
16. لو كان لديك مليون ج وعليك صرفه في 3 دقائق ماذا تفعل ؟
17. مالشيء الذي تفعله وسوف يحل كل مشكلاتك او اغلبها ؟
18. مالحلم الذي كنت تحلم به منذ الصغر ؟
19. ما هي اجمل سنة في حياتك ؟
20. ما هي هوايتك المفضلة ؟


ومستنية ردك يا عسل

ايه فينك يا نور

ولا خايفه من الاسئله

منورة الكرسى يا نور

والله يكون فى عونك

اقتباس :

ايه فينك يا نور

ولا خايفه من الاسئله

هخاف من ايه ياماجيك
كله تمام

اقتباس :

منورة الكرسى يا نور

والله يكون فى عونك

ياااااااااارب
ده نورك ياجميل

اقتباس :

ما هو أهم هدف في حياتك ؟

اني اكون راضيه عن نفسي
ويكون ضميري مستريح

اقتباس :

. ما لونك المفضل ؟

طبعا طبعا دي مافيهاش كلام
الازرق بكل درجاته
والبمبه

اقتباس :

ما هو عطرك المفضل ؟

بحبه جدااااااااااا Tender

اقتباس :

من أحب الناس إليك ؟

طبعا والدي ووالدتي
واخواتي وشريك حياتي ان شاء الله

اقتباس :

من الصديق الوفي برأيك ؟

الي مابيخبيش عليك عيوبك..وبيساعدك ع التخلص منها
الي بتلاقيه جنبك وقت فرحك وحزنك
الي بيفضلك ع نفسه

اقتباس :

لو ألفت كتاباً ماذا سيكون عنوانه ؟

كتاب
امممممممممممممممممم
كيف تهزم احزانك وتكون سعيدااا؟؟

اقتباس :

ماهو السر الذي ستقوله الآن ؟

مين الي قالك اني هقول اسرار
هههههههههههههههههههههه

اقتباس :

من الأصدقاء الذين تخليت عنهم ؟

فكرتيني بوحده ربنا يسهلها
كانت بتقول انها صحبتي
مجرد كلمه مش اكتر
ووقعتني في مصيبه بعد كده
هي دي بس الي بعدت عنها عشان اتأكدت انها مش صاحبتي

اقتباس :

ما هو أهم انجاز في حياتك ؟

اهم انجاز في حياتي
مجموعي في الثانويه العامه
بصراحه كنت حساه انجاز كبير
الحمدلله

اقتباس :

ما هو اقرب انجاز لك ؟

امبارح
كنت بشتغل في مشروع التخرج والحمدلله
في حاجه خلصتها بقالي سبع ايام بحاول فيها

اقتباس :

متى تشعر بالسعادة ؟

لما بعمل حاجه بتكون سبب في سعادة غيري
ولما بعمل حاجه بتقربني من ربنا
ولما بحس الي حوليا بيحبوني كده من غير اسباب

اقتباس :

ما هو اسعد يوم في حياتك ؟

اسعد يوم في حياتي
كان قريب بصراحه
ان شاء الله قريب هقولكم اخبار حلوه
قولو ياااااااااااااااااارب

اقتباس :

ماذا تحب ؟

بحب الشعور بالامان

اقتباس :

مالذي لا تحبه اطلاقاً ؟

مابحبش الحقد والكره
عشان بيدمر حاجات حلوه كتير

اقتباس :

مالعمل الذي تستمتع به لآخر درجة ؟

عارفاه بالضبط
بس مش قادره اوصفه الا بكلمه وحده
الخير

اقتباس :

لو كان لديك مليون ج وعليك صرفه في 3 دقائق ماذا تفعل ؟

لا صعب قوي مش معقول اصرفها في 3 دقايق
الا لو اتسرق بقى الوقت ده هيكفي اكيد
ههههههههههههههههههههههه

اقتباس :

مالشيء الذي تفعله وسوف يحل كل مشكلاتك او اغلبها ؟

الصبر

اقتباس :

مالحلم الذي كنت تحلم به منذ الصغر ؟

بحب الفراشات جدااااااااااااااا
وبحلم دايما اروح مكان مليان فراشات بس مش عارفه هو فين
الي يعرف ياريت يقولي
مره سألت وحده صاحبتي قالتي انتي فاكره نفسك في امريكا
ههههههههههههههههههههههههههه

اقتباس :

ما هي اجمل سنة في حياتك ؟

حتى الان كانت تانيه ثانوي
كنت عايشه حياتي بالطول والعرض
ومع كده كنت الاولى ع المدرسه
بس انا مستنيه سنه احلى ان شاء الله

اقتباس :

ما هي هوايتك المفضلة ؟

بحب القراءه بذات في التنميه البشريه و الشعر الحر
وبحب البرمجه جداااااااا




ميرسي قوي يامي ع اسئلتك
وانتي بجد الي زي العسل

ميرسي يا نور

واجاباتك حلوة اوي

انا جيييييييييييييييييييت

نور معلش بقى اتاخرت

بس والله قمر يا بت وانتى قاعده على الكرسى

حتى شوفى

قمر يا خواتى قمر

والله انا فرحان بيكى


جاوبى بقى على السؤالين دول
- انتى لو حد قالك بحبك بس انتى مش بتحبيه يا ترى هتقوليله انك مش بتحبيه ولا مش هترضى تجرحبيه
وهتكلميه عادى يعنى شويه كدا وتسبيه ؟


2- ايه اصعب خبر سمعتيه فى حياتك ؟

3- حلمك ايه بالنسبه للدراسه ؟

4- وبالنسبه للمنتدى
5- ايه اكتر حاجه خلتك تقولى ياه الدنيا دى لسه بخير

6-لو حد بتحبيه وبتحترميه صدر منه موقف مش كويس فى حقك هتعملى ايه ؟
7-وجهى رساله لشخص فى المنتدى
- امتى بتحسى بالوحده ؟

5- قوللنا علامه في حيااتك .؟ حاجه اثرت فيكى يعنى ؟

6- مواصفغات فتى احلامك ؟

7- لماذا تبكى المرأه ؟



8ايه افضل اعضاء فى المنتدى من وجهه نظرك

9وايه افضل موضوع شوفتيه فى المنتدى


10- كلمه شكر تقوليها لمين وليه ؟؟
وكفايه عليكي لحد ككده
تحياتي رامي

نووووووووور منوره الكرسى يا قمر

اسمحيلى اسئلك بقى

امتى حسيتى انك
انسانة مغرورة فى حياتك ؟؟؟؟

ولول حسيتى الاحساس
ده بتعملى ايى على شان تعلجى ؟؟؟؟؟؟؟

امتى تحسى انك محتاجة
تتكلمى مع حد ؟؟؟

حسيتى فى يوم انك
وحيده ومش لقية حد تتكلمى معاه ؟؟؟

امتى تفرحى من قلبك
بجد ويبان عليكى الفرح من وشك ؟؟؟

بتحبى الحياه ولا
عادى بلنسبالك؟؟؟

9-تحسين ان في شي ناقص في حياتك؟

9- آيـة الاشياء الى معـترضه عليها فى المنتـدى؟


واخر سؤال ..... هل
احد استطاع احد اختراق قلب نور؟؟؟ومين الشخص ده ؟؟؟ وامتى حصل هذا ؟؟؟
وياريت الموقف كمان

اقتباس :

بس والله قمر يا بت وانتى قاعده على الكرسى

حتى شوفى

قمر يا خواتى قمر

والله انا فرحان بيكى

قمر ايه
ده ماليش ملامح خالص
ده كرسي كهربا انت عايز تنتقم مني باين
وفرحان فيا كمان
ماشي ماشي
ليك يوم تتكهرب فيه
iiiiiiiiiiiiiiiii

اقتباس :

انتى لو حد قالك بحبك بس انتى مش بتحبيه يا ترى هتقوليله انك مش بتحبيه
ولا مش هترضى تجرحبيه
وهتكلميه عادى يعنى شويه كدا وتسبيه ؟

ماينفعش اكمل معاه وبعدين اسيبه
كده بضحك عليه وهجرحه اكتر
هصارحه من الاول بس بطريقه ماتجرحهوش ع قد ماقدر
ممكن اوصلها بطريقه مش مباشره
هو اكيد هيضايق بس برضو مش هيكون اتعلق بيا قوي

اقتباس :

- ايه اصعب خبر سمعتيه فى حياتك ؟

وفاة جدي الله يرحمه والد مامتي
لانه كان بالنسبالي والد مش جد

اقتباس :

حلمك ايه بالنسبه للدراسه ؟

حلمي ان السنه دي تعدي ع خير بقى واجيب تقدير كويس
ومشروع التخرج يخلص
ونفضها بقى
هههههههههههههههههههه

اقتباس :

وبالنسبه للمنتدى

اتمنى انه يفضل ع طول في القمه
لانه منتدى جامد جداا
ونفضل متجمعين فيه ع طول حتى لما نشيب
ههههههههههههههههه
واسمع عن الاعضاء الحلوين دول دايما كل خير

اقتباس :

ايه اكتر حاجه خلتك تقولى ياه الدنيا دى لسه بخير

مره ست كبيره في السن وكان معاها حاجات كتير
وقعت في الطريق
وكان في شلة شباب جنبها
راح واحد منهم جرى عليها سندها واقومها
ووصلها للبيت
وقتها حسيت ان الدنيا لسه بخير

اقتباس :

لو حد بتحبيه وبتحترميه صدر منه موقف مش كويس فى حقك هتعملى ايه ؟

لما بضايق من حد بقوله
بصراحه مش بعرف اخبي
او حتى اصبر لغاية مايحس بغلطه بعاتبه ع طول

اقتباس :

وجهى رساله لشخص فى المنتدى

وائل
بشكره جدااااا لاني اول ماشتركت في المنتدى ده
كنت حاسه اني ضيفه تقيله
وهو الي حببني في المنتدى
وحسسني ان في ناس عايزني اكون معاها هنا

اقتباس :

امتى بتحسى بالوحده ؟

يااااااااااااه كتير
لما بقعد مع نفسي وافتكر بيتنا واحنا متجمعين فيه
والدي ووالدتي واخواتي

اقتباس :

قوللنا علامه في حيااتك .؟ حاجه اثرت فيكى يعنى ؟

اولى كليه دي علامه كبيره في حياتي
كانت اول سنه اعيش لوحدي هنا واهلي في الرياض
فشفت العجايب بصراحه
اتبهدلت واتعلمت حاجات كتيييييييييييييييير

اقتباس :

مواصفغات فتى احلامك ؟

حونين جداااااااااااااا
ههههههههههههههههههه
ويكون بيموت فيا اكيد
واخلاقه تمام
وراجل كده حمش
بعد كده كل حاجه تهون

اقتباس :

لماذا تبكى المرأه ؟

ولا لماذا تبكي نور !!!!
مش هقدر اعمم يارامي
بس دمعتي قريبه قوي
ممكن لما بتصعب عليا نفسي
ولما بتصدم قوي وماعرفش اتكلم
وممكن من خوفي ع حد بحبه اعيط
وممكن من فرحتي
وممكن من فيلم لما يأثر فيا بعيط ع طول
في مواقف كتير ببقى مش حابه ده فيا
وبحاول ادراي دموعي فيها بس مش بقدر

اقتباس :

8ايه افضل اعضاء فى المنتدى من وجهه نظرك

اكيد الاعضاء المتفاعلين في المنتدى
وبيساهمو في نجاحه
زيك كده يابكار والماجيك وخلود ومنار وامنيه ومي وايه

اقتباس :

وايه افضل موضوع شوفتيه فى المنتدى

""احساس قلب مل من الحياة
لمنار
في قسم الشعر
عجبني قوي كلامها

اقتباس :

- كلمه شكر تقوليها لمين وليه ؟؟

لوالدتي ربنا يحفظها
واشوفها سعيده وبخير ع طول
لاني تعبتها معايا قوي وصبرت عليا كتير
وماعرفتش قيمتها الا لما بعدت عنها
ربنا يخليها ليا يااااااااااااااااااارب

اقتباس :

نووووووووور منوره الكرسى يا قمر

اسمحيلى اسئلك بقى

امتى
حسيتى انك
انسانة مغرورة فى حياتك ؟؟؟؟
ولول حسيتى الاحساس
ده بتعملى ايى على شان تعلجى ؟؟؟؟؟؟؟

ده نورك ياملوكه
بس ايه السؤال الصعب ده
مغروره
بصراحه مش لاقيه اجابه
مش عارفه معنى ده ايه هل دي حاجه وحشه ولا حلوه
بس صدقيني دي الحقيقه
لاني عمري ماحسيت اني كده

اقتباس :

امتى تحسى انك محتاجة
تتكلمى مع حد ؟؟؟

لما يكون عندي مشكله
ومش عارفه احلها

اقتباس :

حسيتى فى يوم انك
وحيده ومش لقية حد تتكلمى معاه ؟؟؟

يااااااااااااه كتير ياامنيه
يعني من 3\4 سنين كنت كده فعلا
والموضوع ده عاملي مشاكل كتير
لاني كنت لسه ماعرفش حد هنا
وماكنش في حد اثق فيه يعني

اقتباس :

امتى تفرحى من قلبك
بجد ويبان عليكى الفرح من وشك ؟؟؟

لما بحس اني عملت انجاز او حاجه لها معنى حلو
واكيد لما بسمع خبر حلو عموما

اقتباس :

بتحبى الحياه ولا
عادى بلنسبالك؟؟؟

مش بحبها بالضبط
بحب استمتع بيها في حدود المسموح
وفي نفس الوقت مانساش انها دنيا فانيه

اقتباس :

-تحسين ان في شي ناقص في حياتك؟

اه
الاستقرار مش حاسه بيه خالص
نفسي احس بيه بجد

اقتباس :

آيـة الاشياء الى معـترضه عليها فى المنتـدى؟

كان في
بس مالوش لازمه الكلام فيها
لا نها اتغيرت للأحسن

اقتباس :

واخر سؤال ..... هل
احد استطاع احد اختراق قلب
نور؟؟؟

يعني ايه اختراق؟؟؟
ايه مش باين عليا ولا ايه
هههههههههههههههههههههه
اه في انسان تمكن من اختراق قلبي
بعد ماطلعت عينه"بس كان غصب عني يعني"
وان شاء الله مش هيطلع منه ابدا

اقتباس :

ومين الشخص ده ؟؟؟ وامتى حصل هذا ؟؟؟
وياريت الموقف كمان

لا مش تعرفوه بصراحه يعني
والموقف صعب يتحكى
لانها مواقف كتيرررررررررررر
وكده مش هنخلص


ميرسي ع اسئلتك ياامنيه
ومستنيه النتيجه
ههههههههههههههههههههههههههههه

انتي بتتكلمي بجد ولا بتهزري
مش احنا اخوات برضو
ولا انا بتهيقلي
لازم تسألي ع الهوا
ماتسألي بيني وبينك
ايه الرخامه دي

اقتباس :

اي احلى حاجه كانت في طفولتك؟

مش فاكره غير حاجات بسيطه قوي
صعب اجيبلك احلى حاجه في طفولتي
بس في حاجه حلوه فكرها
اني كنت مرتبطه باخويا محمد قوي
وماكنتش بغير منه واضربه والكلام الفاضي ده
زيك انتي ومحمود

اقتباس :

واي اكتر لعبه كنتي بتحبي تلعبي بيها ؟

لعبة صيد السمك دي الي بنمسك السناره فيها والسمك يلف في علبه كده
ونبدء نصطاد والي يجمع اكتر هو الفايز
كنت بحبها قوي وكنت بلعبها مع محمد كتير
اكيد عارفها بس مش عارفه بقى الاعضاء ياخدو بالهم منها ولا لاء

اقتباس :

اي اكتر حاجه بتفرحك ؟

لما مابتضايقيش ياساره
عشان انتي لما بتضايقي الدنيا بتضلم خالص
ههههههههههههههههههههههههه

اقتباس :

واي اكتر حاجه عملتيها وندمتي عليها ؟

مش فاكره
اصل انتي عارفه الحاجات الي بتضايقني بنساها بسرعه

اقتباس :

واي اكتر حاجه بتزعلك ؟

لما حد يغلط فيا
او ياخد عني فكره غلط بضايق قوي

اقتباس :

كفايه كده

اه انا بقول كده برضو
كفايه فضايح
عشان الي هيشوفنا هيقول علينا بنستعبط

ايه الاجابات الجامده دى يا نور

يلا يا نور

مستنيين اجاباتك