لو لقيت نص شبابنا بيضرب بانجو وحشيش عـ القمة ......يبقى أنت أكيد في مصر يامعلم.
لو صندوق زبالة فاضي والناس رامية الزبالة جنبه ...يبقى أنت أكيد في مصر يامعلم .
لو لقيت غطيان البلاليع في الشارع مسروقة وصناديق الزبالة مسروقة ولمض النور عـ السلالم مسروقة وشارع بحاله في محطة
الرمل لبيع الموبايلات المسروقة ...يبقى أنت أكيد في مصر يامعلم .
لو لقيت بلد تعبانة وموجوعة وشبابها همه في الدنيا روبي وهيفاء ......يبقى أنت أكيد في مصر يامعلم .
لو لقيت رغيف العيش فيه دبارة ومسمار وجناح صرصار ..يبقى أنت أكيد في مصر يامعلم .
لو لقيت البطيخ مسموم والعنباية قد التفاحة والتفاحة لا طعم ولا ريحة والخوخة منقعوة في الكلور والمية اللي نازلة من الحنفية
ريحتها مجاري .....يبقى أنت أكيد في مصر يامعلم .
لو حبيت تعرف اللي بيحصل في بلدك لازم تشتري دش وتعرف من بره بلدك عن طريق الفضائيات ....يبقى انت أكيد في مصر يامعلم .
لو البلد تعبانة و44% من سكانها يعيشون تحت خط الفقر وفيها عبارة غرقانة وانفلوانزا الطيور ومع كده رئيسها يطلع في حوار
صحفي والمذيعة تسأله انت مرتاح لوضع البلد ...فيكون الجواب مرتاح اوي ......يبقى انت اكيد في مصر يامعلم .
لو مشيت على طريق مصر اسكندرية ولقيت مدن وبيوت طويلة عريضة وقرى سياحية ...فاضية ومهجورة وصحابها ما بيسكنوهاش
غير اسبوعين في الصيف ....ومشيت في شبرا ولا الحضرة ولا كرموز ولا غيط العنب ولقيت الناس عايشين في اكشاك خشب
وصفيح .....يبقى انت اكيد في مصر يامعلم .
لما 90 % من الموبايلات اللي بتقع من صحابها في الشارع او في المواصلة اللي بيلاقيها ما بيرجعهاش وياخدها ويقبلها حرام على
نفسه ....يبقى انت اكيد في مصر يامعلم .
لو لقيت شعب عمال يفتخر انه شعب متدين وبتاع ربنا واكتر بلد فيها الأسلام وبلد الأزهر ...ومع كده سب الدين شيء من العادي انك تسمعه في الشارع يبقى انت اكيد في مصر يامعلم .
لو لقيت الأتوبيس فاضي ..والشارع نظيف ...والناس إيجابية ...والأكل نظيف ....يبقى أنت أكيد أكيد مش في مصر يامعلم .
الرئيسية
الثلاثاء 23 فبراير 2010 - 23:23
