فى يوم لاقيت روحى زهقان قولت اجيب اتنين كيلو فاكهة واروح ازور حسنى مبارك فى بيتة وصلت وعالبوابة لاقيت
واحد ببدلة ومعاة لاسلكى سلمت علية وسالتة عالريس موجود ولا لا وبكل ادب سالنى نقولة مين قولتلة واحد من الشعب اسمة محمد استأذنى خمسة ومفيش قال لى اتفضل وجت عربية وخدتنى لجوة ووقفت قدام الباب ولقيت حبيبنا طلع ورحيب بى ولامنى اية اللى انت جايبة دة مالاكش حق وعادى انا جاى بيت اخويا واتسامرنا اكتر من ساعة وحبيت استأذن مسك فيا للغدا وحاولت اتملص معرفتش وفى ثوانى الاكل جهز كلنا وحلينا وحبسنا بالشاى والدنيا ليلت استأذنت تانى ووعدتة بتكرار الزيارة بس بشرط انة يردها ووعدنى وزى مادخلت خرجت بعد ماودعنى من عالباب لغاية ما العربية بعدت وعدى اليوم ولاقيت روحى فى نفسية تانية بسبب حرارة المقابلة فعلا الكريم كريم وربنا يديم علينا المحبة